Կին ձեռներեցների թվային հզորացման ծրագիր – Հայաստան

Այս դասընթացը մշակվել է Հայաստանում «Կին ձեռներեցների թվային հզորացում» ծրագրի շրջանակում։ Ծրագիրը նպատակ ունի աջակցել կին ձեռներեցներին՝ զարգացնելու իրենց թվային հմտությունները, տոկունությունը և աճի հնարավորությունները՝ ներառյալ արհեստական բանականության (ԱԲ), թվային մարքեթինգի, սոցիալական մեդիայի ռազմավարությունների և առցանց անվտանգության թեմաների շուրջ։

Քանի որ թվային տեխնոլոգիաները դառնում են ձեռներեցության կարևոր գործիքներ, կանայք ավելի հաճախ են օգտագործում առցանց հարթակները բիզնեսի տեսանելիության, հաճախորդների ներգրավման և գործունեության կառավարման համար։ Սակայն առցանց ներկայության աճը կարող է նաև մեծացնել տեղեկատվական տեխնոլոգիաների կիրառմամբ գենդերային հիմքով բռնության (ՏՏԿ ԳՀԲ) հետ կապված ռիսկերը։

Դասընթացի նպատակը

Այս դասընթացը նախատեսված է կին ձեռներեցներին տրամադրելու ՏՏԿ ԳՀԲ-ի վերաբերյալ հիմնական գիտելիքներ և պատկերացում՝ թվային հզորացման թեմայի ավելի լայն շրջանակում։ Այն նպատակ ունի մասնակիցներին աջակցել հասկանալ ոչ միայն ընդհանուր առցանց ռիսկերը, այլ նաև՝ երբ և ինչպես է առցանց վնասը դառնում գենդերային հիմքով բռնություն։

Դասընթացի նպատակներն են՝

• զարգացնել ՏՏԿ ԳՀԲ-ի և դրա սահմանումների վերաբերյալ հիմնական ըմբռնում,
• բարձրացնել իրազեկվածությունը գենդերային նորմերի, իշխանության և դրանց ազդեցության վերաբերյալ թվային միջավայրում,
• ամրապնդել առցանց գենդերային հիմքով վնասը ճանաչելու և արձագանքելու կարողությունները,
• խթանել ավելի անվտանգ թվային մասնակցությունը կին ձեռնարկատերերի գործունեության համար։

Կարևոր է ընդգծել, որ այս դասընթացը կիբեռանվտանգության կամ խարդախությունների կանխարգելման դասընթաց չէ։ Այն կենտրոնանում է թվային վնասի գենդերային բնույթի վրա՝ միաժամանակ ընդունելով, որ թվային անվտանգության հետ կապված թեմաները կարևոր և փոխկապակցված են։

Դասընթացի բովանդակությունը հարմարեցվել է Հայաստանում դասընթացի առաջին խմբի մասնակիցների կարիքների գնահատման հիման վրա։ Գնահատման արդյունքները ցույց են տվել, որ մասնակիցները հիմնականում ծանոթ են առցանց ռիսկերին, սակայն կա բաց՝ հասկանալու, թե երբ է առցանց վնասը վերածվում ՏՏԿ ԳՀԲ-ի։ Այդ պատճառով դասընթացում ավելի մեծ ուշադրություն է դարձվում ընդհանուր առցանց վնասի և ՏՏԿ ԳՀԲ-ի տարբերակմանը՝ կիրառելով կին ձեռներեցների փորձառություններին մոտ գործնական օրինակներ։

Թիրախային լսարան

• Կին ձեռներեցներ և փոքր բիզնեսի սեփականատերեր
• Կանայք, որոնք օգտագործում են թվային հարթակներ մարքեթինգի, վաճառքի և հաղորդակցության նպատակներով
• Ֆրիլանսերներ, բովանդակություն ստեղծողներ և առցանց ծառայություններ մատուցողներ
• Թվային հմտությունների և ԱԲ-ին առնչվող դասընթացների մասնակիցներ

Մասնակցության համար գենդերային հիմքով բռնության բռնության կամ թվային անվտանգության վերաբերյալ նախնական գիտելիքները պարտադիր չեն