Միջազգային պատժամիջոցների համապատասխանություն — հայերեն լեզվի դասընթաց

Ռազմավարության և Զարգացման Կենտրոնը (ՌԶԿ) ուրախ է հայտարարել «Միջազգային պատժամիջոցների համապատասխանություն» առցանց ուսուցման դասընթացի գրանցման մեկնարկի մասին։

Դասընթացի նպատակը.ԱՄՆ Պետական դեպարտամենտի աջակցությամբ իրականացվող դասընթացի շրջանակներում մասնակիցները կուսումնասիրեն գոյություն ունեցող միջազգային պատժամիջոցները, դրանց համապատասխանության միջոցառումները, ինչպես նաև լավագույն փորձի դեպքերում կիրառվող մեթոդներն ու գործիքները։ Դասընթացը կնպաստի այն գիտելիքների և հմտությունների զարգացմանը, որոնք անհրաժեշտ են պատժամիջոցների ակտիվ շրջանցման գործողությունները բացահայտելու և կանխելու համար։ Այն նախատեսված է պատժամիջոցների և արտահանման վերահսկողության համապատասխանության մասնագետների, անվտանգության աշխատակիցների, հետազոտողների և այլ համապատասխան շահագրգիռ կողմերի համար։

Ովքե՞ր են կարող մասնակցել դասընթացին. Հայաստանում գտնվող բոլոր ցանկացողները, ովքեր հետաքրքրված են պատժամիջոցների համապատասխանությամբ, կարող են գրանցվել ուսումնական դասընթացին:.

Արժեքը՝ Դասընթացն անվճար է։

Դասընթացի նկարագրություն. Ուսումնական դասընթացը բաղկացած է 5 մոդուլից (վիդեո դասեր, ընթերցանության նյութեր՝ բաղկացած ինքնագնահատման թեստից և վերջնական գնահատումից): Ընտրված մասնակիցները կկարողանան սկսել ուսումնական գործընթացը հաստատման էլեկտրոնային նամակ ստանալուց հետո, և դասընթացի ընթացքում օգտատերն ինքն է ընտրում ուսուցման ժամերը: Մեկ մոդուլից մյուսը առաջադիմելու համար անհրաժեշտ է յուրաքանչյուր մոդուլի ինքնագնահատման թեստ հանձնել: Հնարավորինս լայն լսարան ապահովելու համար դասընթացի բոլոր նյութերը հասանելի կլինեն հայերեն և անգլերեն լեզուներով:

Դասընթացի արդյունքներ. Դասընթացի հաջող ավարտից հետո մասնակիցները կունենան ինչպես տեսական գիտելիքներ, այնպես էլ գործնական հմտություններ՝ արդյունավետորեն բացահայտելու և հակազդելու միջազգային պատժամիջոցների կիրարկման խախտումներին, հայտնաբերելու անօրինական գործողություններ և կանխելու իրենց ոլորտային աշխատանքային գործառնություններին առնչվող ակտիվ պատժամիջոցների շրջանցման գործողությունները։

Գրանցում. Դասընթացին մասնակցելու համար հետաքրքրված անձինք պետք է գրանցվեն CSDAcademy.org.ge հարթակում: Հայաստանի քաղաքացիները կարող են դասընթացը անցնել հայերեն կամ անգլերեն լեզուներով:

Գրանցումը հնարավոր է հոկտեմբերի 1-ից մինչև հոկտեմբերի 21-ը, իսկ ընտրված մասնակիցները կարող են սկսել ուսումնական գործընթացը հաստատման էլեկտրոնային նամակն ստանալուց հետո։ Դասընթացը հասանելի կլինի մինչև դեկտեմբերի 15-ը։

Լրացուցիչ հարցերի դեպքում խնդրում ենք կապվել մեզ հետ հետևյալ էլեկտրոնային հասցեով՝ csdacademy@gcsd.org.ge